簡易晚餐: 煙肉金菇卷

[煙肉金菇卷]

材料: 金菇1包, 煙肉1包

經過上次煙肉三色卷既經驗

peggy提供既方法

今次卷起來後

有用牙簽穿著

放熱鑊中煎熟兩面

加上日式牛肉照燒汁開出既醬汁

煮至收乾汁液後可上碟

豬肉絲炒雲耳

[豬肉絲炒雪耳]

材料:

雲耳 - 清水浸軟, 瀝乾水, 待炒.

豬肉絲 - 用生抽, 糖, 生粉醃1小時.

功用:

雲耳性平味甘, 熟高纖維食品, 有助降低膽固醇及便秘, 能預防動脈硬化, 補脾養胃, 潤燥利腸, 補肺強心, 是糖尿病及冠心病人之理想食材.

北海道牛奶布丁

前陣子, 北海道牛奶於各超市都有減價, 買了幾盒回家, 除平日習慣用牛奶伴粟米片食外, 趁尼兩天暖返少少, 便弄些凍食甜品來.

[北海道牛奶布丁]

材料: 北海道牛奶500ml (其中改用cream 50ml), 魚膠粉10g, 砂糖50g.

做法: 牛奶加砂糖煲熱, 無須煲滾, 當砂糖完全溶化後, 加入魚膠粉伴勻, 放涼後置雪櫃一晚, 便成牛奶布丁.

以上份量剛好做出五樽仔來, 放於雪櫃, 隨時可以拿來食用.

五指毛桃潤肺湯@南北行

唔太識煲湯既我, 只懂買些現成湯包回來, 加入肉料, 煲上幾小時便成了一個老火湯.

今次揀左南北行既五指毛桃潤肺湯包喇.

除湯包外只要買舊豬瘦肉便可開火煲湯.

湯料包括: 雪耳, 龍利葉, 淮山, 陳皮, 南北杏, 五指毛桃, 玉竹, 蜜棗,及豬瘦肉.

功用:

雪耳: 養陰潤肺

龍利葉: 清熱, 潤肺, 化痰

淮山: 補益健脾胃, 幫助消化, 健腎

陳皮: 行氣健胃, 燥熱化痰

南北杏: 止咳平喘, 潤腸通便

五指毛桃: 健脾補肺, 行氣利濕

玉竹: 養胃生津, 養陰潤肺

蜜棗: 正氣之涼果, 具潤肺去痰, 養肝健脾之效

豬瘦肉: 性味甘咸, 平, 入脾, 胃, 腎經, 能滋陰潤燥

杏仁餅@Ikea

每次行開宜家

都會買入面d熱狗, 肉丸, 雪糕等食物醫肚

食食吓嘢手多多之際

一開雪櫃

見到以下呢款杏仁蛋糕

二話不說就比錢

快d返屋企試試先

嘩!一開盒攞個蛋糕出黎

好靚喎

仲有好多杏仁碎係面添

見到都流晒口水啦

個餅都幾大個架

350g重

切開六件

一日一件可以食足成個星期架

內層啡色部份都係杏仁碎黎既

鐘意食杏仁既朋友一於買黎試下啦

超正架

聖誕禮物 3

唔經唔覺, 過左聖誕都差唔多一個月喇, 睇返d聖誕相至發現漏左編post未出添

上次叫過大家估下尼份咁有份量既聖誕禮物係咩呢既

[旬刀]

其實係一把日本菜刀黎架

刀鋒尖利 

全把刀用人手打做

刀身之波浪紋為打刀時摺疊而成

每次將刀打薄摺疊再打薄

做成每面數得出之十六條波浪紋

兩面就成了三十二行

這樣令刀身更加堅固

收到這刀時不知來歷

出街找找

才發現這刀價值不非

承惠$1700

再在網上找尋才得知以上資料

(真的要多謝我既好99)

鮑魚菇白菜仔

早前去安記買些乾貨

見到鮑汁鮮菇做緊特價

買了盒回來試試

當中包括姬菇及鮑魚菇

都係即成既

好方便

(店內有辣味同唔辣你揀既)

今次買左小白菜

又諗唔到配咩一齊煮

於是開左樽鮑魚菇

白菜仔煮好臨上碟前

放左半樽落去炒一炒

出來既味道相當唔錯喎

真係好有鮑汁味

提升左成碟菜既質數添

洋蔥豬扒

洋蔥煎豬扒

材料

梅肉扒半斤, 洋蔥半個

醃料

鹽3/4茶匙, 糖1茶匙, 雞粉1/2茶匙, 生粉1.2茶匙, 生抽少許

先用醃料醃梅肉扒2個小時或以上

期間逐少逐少放入水份

令豬肉軟淋

臨煎先落少許油及蛋液封肉面

落多少少油

用半煎炸方式煎熟豬扒

盛起備用

乾蔥, 蒜頭起鑊

將洋蔥條略炒

茄汁, 喼汁, 糖, 鹽調味後

再放入煎好之豬扒

贊少許酒

埋生粉芡

加入蔥段

即成

香辣味薯片@WISE

通常想食番茄味薯片

都會諗起WISE呢個牌子既

今日又想食薯片

但見唔到WISE既番茄味

反而見到另一款新口味出場

~ 香辣味 ~

食落口其實唔太辣

有九成似卡樂B既熱浪薯片

唔知係呢幾日特別乾燥

定係呢款薯片特別熱氣既關係

食完第二日即刻咳到我CC下

泰屋@佐敦

Shirley生日話想食泰菜喎, 為左要就下大家方便到既地方, 今次揀左佐敦既泰屋.

一出電梯, 就見到入面既環境, 睇落好似幾舒適咁喎, 入坐後, 發覺枱凳都好闊, 尤其是張凳添, 坐得個人好舒服.

我地幾個都係第一次黎, 樣樣都想試, 最後揀左以下幾個菜式.

左上: 炒通菜, 右上: 青咖哩雞, 左下: 泰式金柚沙律, 右下: 炸蝦餅 : 好有咬口, 食落好香脆, 但一d都唔油.

泰式金柚沙律: 啖啖肉, 金柚一d都唔苦, 仲好多汁添, 份量唔少, 幾底食.

炒通菜: 都幾普通, 唔好見咁多紅辣椒呀, 其實一d都唔辣既.

海鮮炒飯: 炒得好乾身, 用黎餸青咖哩別有風味.

青咖哩雞: 一d都唔辣, 比其他舖食既香好多, 但d雞就細粒左少少喇, "筆"極都"筆"唔到, 只係搵到其餘既配菜, 要食既就要慢慢摷喇.

油酥餅 : 得兩塊乍, 好似少左d添, 用黎配青咖哩簡直一流啦.

地址: 佐敦彌敦道219號莊士倫敦廣場8樓

香蕉杏仁蛋糕

[香蕉蛋糕]

材料:

香蕉2隻, 糖80g, 牛油80g, 蛋1隻, 高粉150g, 梳打粉2g, 鹽2g, 檸檬汁1茶匙, 杏仁片適量.

做法:

1. 先將香蕉切片, 用叉壓碎成香蕉茸, 浸於檸檬汁內備用.

2. 牛油室溫放軟後, 加糖攪勻.

3. 將拂好之蛋液加入牛油液內.

4. 拌勻後再加入香蕉茸及已過篩之粉類

5. 最後應加入鹽

(但每次我都忙記落)

6. 將杏仁碎加入粉團內

(隨個人喜歡加入不同之果仁碎)

放入蛋糕模內

(這個做給小朋友的固用小杯製作)

用180度焗15分鐘即成

焗出來很鬆軟很有香蕉味

I like it

同場加映

給大朋友的生日蛋糕

(記得上次shirley話很喜歡這款蛋糕的)

但最終給家中的為食貓吃了一半

故無法送出

(shirley so sorry)

食譜來源: 如月

糖醋豬扒

上次煮糖醋排骨, 想煮得入味d, 就要煮上一個多鐘, 但因煮既時間太耐, 搞到d排骨縮晒水, 今次試下買豬扒來試試, 希望有d肉食下咁啦.

[糖醋豬扒]

做法:

1. 買回來之豬扒洗淨後切件, 用糖, 生抽, 生粉醃1小時.

2. 用薑片起鑊, 先煎至兩面金黃色.

3. 加水, 鎮江醋, 鹽, 片糖煮至大滾.

4. 收慢火後煮至收汁即可.

(但真的有點不太像樣, 今次比上次煮的排骨還要杰, 夾上來像糖膠般, 食落口又像滿月薑醋, 不知那裡出問題, 雖然不像樣, 不過有時間還會繼續試的)

**有冇高手話我知點整至啱**