本來點的是蝦爆鱔背煨麵既, 但送來既變左係淨鱔背煨麵既, 算把啦, 我地點完菜都要等成半個鐘至有得食架, 唔改正勒, 食左先算. 個麵本身其實唔係咁啱我食, 為的是食餸啫, 好在時間尚早, 唔覺肚餓, 所以碗麵就............(都算幾好既, 麵同餸分開上, 未至於整到的餸淋晒)
紅油抄手, 我食親上海嘢必點既菜, 哩度既紅油只係一般, 完全唔辣, 對於我哩個愛辣既人, 唔多啱食, 不過勝在粒抄手的餡都幾ok, 味道啱啱好.
菜心獅子頭, 超大粒, 之前係出面都係一大班朋友叫開我至會試一兩啖既, 但今次見隔壁枱話好食, 咪點黎試下囉, e.....又真係幾好喎, 食過咁多次既獅子頭, 哩度都算係最好食喎 (以我食過唔係好多次既經驗).
另外, 值得一提既係, 唔知點解佢地會收茶錢囉. 我地一坐底就放兩杯茶落黎, 之後埋單先睇到要茶錢既 (其實都無所謂$3啫), 但奇就奇在坐我地隔離有兩公婆 (佢地入坐先既), 男果個一見到我地坐底就有兩杯茶放係度, 於是佢自己問仕應要兩杯茶, 但哩間嘢既服務真係好麻麻, 佢叫左好多次都無人攞茶比佢, 點知佢咪發老皮囉, 佢話點解人地有茶佢地無喎, 當時個女人有放左支水係枱面架, 無幾耐就有人攞左2杯茶黎, 但佢地都差不多食完嘢, 於是攞左黎只係飲左2口乍, 我唔知係咪其實可以唔要茶呢? 好似今次咁, 若佢地一路都無叫個仕應攞茶黎, 咁又係咪唔收錢呢? 咁飲就收錢, 唔飲就唔收錢, 我地入黎時都係咪要問聲我地呢? 佢地用咩黎做收錢既準則呢?
地址: 尖沙咀柯士甸道西1號九龍站圓方1樓1079-82號舖
哩間野我之前食過麻麻。做野仲好亂添
回覆刪除[版主回覆04/21/2008 16:12:00]"亂"哩樣嘢我都覺得呀, 的服務仲麻麻地添, 但真係唔知點解咁多人食呢?
你個紅油炒手唔夠勁 呀﹗ 不過呢間野好多人排隊我都知~
回覆刪除[版主回覆04/21/2008 16:10:00]你的消息都收得幾足喎, 唔係hk都知咁多嘢.
嘩, 你真的去了好多不同地方品嚐美食
回覆刪除有機會 C & F 你也要成為我的飲飲食食介紹人
我就不用動腦袋了
Shirley
[版主回覆04/21/2008 16:09:00]盡量幫忙啦, 無問題既.
我都只不過係行到邊食到邊啫.
唔錯嘅介紹喎,我都鐘意食獅子頭 ^^
回覆刪除[版主回覆04/21/2008 16:08:00]咁就啱晒你啦, 出面其實都無邊幾間的獅子頭係好食既, 我諗你自己整都唔差既.