佢地餐牌的名好鬼靈精怪咁架, 上圖為: 精神爽利雞燉飯套餐, 包括藥材,雞燉飯1碗+有機菜1碟+金牌雞湯/有機豆漿/鮮奶, 都只係賣到48乍, 超低食啦, 尤其是佪燉飯呀, 好有藥材品, 入面加左咩參(我唔知叫咩參), 紅棗, 杞子, 桂圓.............再用埋嘉美少爺雞, d雞味好濃, 連碗飯都好有雞味, 雖然唔知d藥材食左有咩好, 但聞到成碗飯既味道, 已經覺得精神爽利啦.
整個套餐所有材料, 都係完全有機食材黎既, 咁既價錢, 低過食隔離果間喇沙王多多聲啦.
舖頭其實仲有個凍櫃係入面既, 有好多有機蔬菜同少爺雞售賣架, 下次要買d返去自己煮至得.
地址: 中環機利文新街30號
營業時間: 星期一至六上午七時至晚上七時 (星期日及公眾假期休息)
沒有留言:
張貼留言