無錯, 如假包換既出前一丁呀, 你地唔好以為尼樣嘢好普通喎, 對於我黎講, 真係一年都唔食一次架, 既然心血來潮諗起想食, 無理由就咁齋煮卦, 等我搵下雪櫃有咩物資可以用先,... 登...登...登....凳
只係搵到煙肉同蛋啫, 再加埋主角出前一丁麵, 咁就.............................
諗諗下, 橫掂開鑊煎煙肉同蛋, 不如唔煮湯麵喇, 整個煙肉蛋撈出前一丁啦,
我整得既做法當然唔難啦, 首先煲滾水煮開個麵餅, 滾2分鐘後熄火, 用凍水沖洗, 掠乾備用. 用易漯鑊煎煙肉至出油, 攞起, 用餘下煙肉油煎雞蛋, 生熟度隨個人喜好, 最後把已煮開之出前一丁回鑊, 加入包裝內之汁粉, 不停返炒至所有出前一丁都沾上汁料, 熄火加入包內之麻油, 食前加上黑/白芝麻, 搞掂.
沒有留言:
張貼留言