Lunch Box: 三色椒炒雞軟骨+靈芝菇炒西蘭花

好耐無上黎喇, 有冇掛住我呢??我就掛c你地呀, 自從再返工之後, 都無咩時間坐埋部腦到, 打少左好多嘢呀.

以前9am-6pm通常都見到我係度, 夜晚就無咩人會見到我既, 依家~日又見唔到我, 夜又見唔到我喇, c未.

返左工2日, 咁啱鸚鵡就黎探我地, 呵呵!! 又多左1日休息, 正呀.

聽日, 星期一喇, 當然我都要繼續返工啦, 今晚一於整定過公司lunch box比自己先.

登..登..登..凳, 三色椒炒雞軟骨呀, 不過, 可能第一次整既關係, 無留意到三色椒同雞軟骨既比例添, d椒切得太大片喇, 見椒唔見雞咁, 唉! 無法啦, 邊顧到咁多嘢丫, 我諗等我煮多2次, 熟手d既時候, 賣相會好好多既. (但話時話喎, 雖然個樣唔得, 但食落口都幾ok架)

另一味梗係唔少得菜啦, 都市人呀, 唔食多d菜唔健康麻, 但齋菜又"卦"得滯, 我就特登買左罐飽汁靈芝菇黎炒我至愛既西蘭花喇, ~吾~good喎, 飽汁好好味咁, 第一次買乍, 估唔到味道咁好添, 下次一於返炒尼味餸至得.

(依家少左好多時間用, 寫blog亦可能會減少左, 但你地唔好唔記得上黎探我喎, 我一有機會我返黎望望架喇, 放心啦!)