終於等到半年後的一刻喇
好心急, 又緊張
半年前經朋友授教點樣浸青梅酒
因自己買回來青梅的分量唔多
所以同朋友教整既分量有少許出入
怕浸出來的味道差好遠
一夠時間即拿來試試吧
青梅酒比較半年前入樽時已有分別
開了一樽小的來試味
嘩! 超正喎
似足我半年前飲過的2年期梅酒
好香好甜
不過還有點美中不足的
便是火喉未夠
飲落口之味道尚算可以
但因浸的時間不足
酒味依然濃厚
對我這個不懂飲酒的人來說
入口有點"嗱"喉
拿另一樽小的給朋友仔試過
飲得酒的人當然說好味啦
還即時叮囑我
今年除夕夜一定要拿出來喎
我們就拿這樽梅酒代替紅酒及香檳慶祝吧
(下年一定要再浸多一倍分量之梅酒)
我好想問一個問題，牛奶樽釀酒，有無帶過出街？會唔會漏出黎架？
回覆刪除[版主回覆11/13/2009 15:22:00]我有拎出街呀, 個樽唔漏喎, 個蓋應該close得幾實架, 無問題喎.
自家製梅酒
回覆刪除真的好特別
要足夠時間才能夠入味
真的好神奇
Shirley
[版主回覆11/13/2009 15:17:00]唔知仲要等幾耐呢, 好期待添.
你好叻呀！
回覆刪除女性飲梅酒好有益架…
夏天雪凍佢一定好好飲…又消暑…
[版主回覆11/16/2009 16:16:00]但我諗未到夏天已經比人消滅晒喇.
我上年都釀左梅酒同梅醋，酒好似有少少澀澀味，但酒同醋都好香梅味。 ^.^
回覆刪除個樽唔漏水，咁就GOOD FIT，我可以放心去訂樽仔LU。
[版主回覆11/16/2009 16:15:00]我d樽仔係朋友比我架, 同你訂果d係咪一樣架.
醋.....點整架, 有咩好處.
你D梅皺得好勁，我個d梅又無皺WOR。
回覆刪除我都係一開始放晒糖，但D酒同醋又唔見有發酵上漲，梅又唔見皺皮，唔知係咪正常。
哈哈！但飲左咁多次都無事，應該無事。
好吸引AR, 我都想品嚐吓, 可否把做法公開比我學吓丫...
回覆刪除[版主回覆11/18/2009 11:21:00]青梅:冰糖:酒既份量係1:1:2.5, 朋友仲話一定要用远航九江双蒸酒浸喎, 酒味會香d呀, 你都試下啦.
(我試完味之後, 覺得自己浸果樽味道比較濃, 睇過其他卜友教, 如果唔太飲得酒既, 可以試試1:1:3, 味道因人而異)
你去我個BLOG睇下，我D梅都無乜點皺皮。
回覆刪除我未飲過日本C字頭個隻梅酒係點，唔知自己浸成點。
至於分量，我都好隨意下。
我見有D BLOG友話用孖蒸、三蒸甚至高樑，我唔敢試咁高酒精含量。
[版主回覆11/21/2009 13:03:00]睇左喇, 但真係唔係點解會皺皮喎, 同埋發現你浸出來的顏色比我浸的深好多, 唔知味道有幾大分別呢.
我都有浸到呀!不過老公經常偷酒飲.之後又加酒落去.覺到現在都未開飲.
回覆刪除[版主回覆12/11/2009 14:12:00]吓, 咩可以一路飲, 一路加架咩.